每日限十碗嘅海膽沾麵終於俾我食到，凍海膽湯固然係重點，不過雞肉叉燒配大葉果然係海膽凍湯嘅好拍檔，試過用一塊原本的叉燒黎配，果然濃味嘅叉燒唔太夾海膽湯。唯一缺點係湯唔太夠，因為本身比較稠，俾麵一沾就沾走，仲未食晒啲麵就無晒啲湯，本來仲諗緊加湯飲會係乜味，結果無晒！