初開幕嘅時候已經想去，但奈何以為係深山（小姐，馬鞍山都算深山？）好難去。直到有次同朋友係白石（另一個世外桃源，好似係）燒完嘢食行番出嚟，經過烏溪沙（細個去「郊外」旅行時去過）⋯個地鐵站，發現佢對到正正出口，我先發覺，原來係香港，搭地下鐵路，（荒山野嶺）都話咁快就到！終於有個週末的起心肝去野外探險，係有丁丁曲折咁搵到個門口係商場入面之後，發現門口嘅真 · 文青人數好多而我又好肚餓嘅情況下，我放棄咗。結果係過咗幾日收工先再嚟過。平日夜晚嚟，人唔太多，唔怕自己唔夠文青，唔駛等位又冇人趕，幾舒服。
