Get it on Google PlayDownload on the App Store
EN

yuenyee

2年前.收藏在 飲食男女.編輯十大.利東街人氣食店

[花生食記] 食薯片我認第二有幾多人會認第一?

[花生食記] 食薯片我認第二有幾多人會認第一?

如果可以揀做咩工作,作為薯迷嘅我志願係做一個薯片專家。主流大品牌嚟講,卡樂B我覺得係數一數二,既唔會好似本地品牌炸到燶晒,亦唔會好似日本另一個好多味道嘅牌子咁「啤薯片」而唔係「切薯片」。

薯片專門店先前去日本已經朝過聖,一直都冇機會去香港店,上星期行街經過即係入去睇下。香港店係同零食物語crossover,卡樂B嘅部分同日本店好接近,好多薯類零食包括大人細路都中意嘅宅家邊同手信之選嘅薯條三兄弟都有,當然唔少得吉祥物嘅精品。最緊要嘅係可以食新鮮即炸嘅薯片,睇住一塊塊炸起係輸送帶上行嘅感覺好治癒。

$48

薄餅味波浪薯片+芝士醬+日本3.5生乳軟雪糕

《期間限定》即叫即做嘅薄餅味波浪薯片,上面淋咗都幾多芝士醬,好味到忍唔到手。軟雪糕另外有個杯裝住,份量唔少,就咁食又得,用薯片點嚟食亦得,得咗!咸嘅薯片點雪糕,原來都幾match~